“Манчестер Сити” бош мураббийи Хосеп Гвардиола биологик ёши ҳақидаги саволга ҳазил аралаш жавоб қайтарди. Бу ҳақда GQ нашри хабар берди.
— Яқинда Криштиану Роналду ўзининг биологик ёши 28 да эканини айтди. Сизникичи?
— Ҳозирда мен 75 ёшдаман (кулади). Танам толиқиб қолган, ҳамма жойим оғрияпти. Эҳтимол, тест топширганимда яхшироқ натижа чиқиши мумкин. Умид қиламанки, бир оз дам олганимдан сўнг ўзимни ҳозиргидан яхшироқ ҳис қила бошлайман.
Маълумот учун, ўтган мавсумда Гвардиола бошчилигидаги “Манчестер Сити” Англия Премер Лигасида 3-ўринни эгаллаган. Клуб Чемпионлар Лигаси баҳсларида “Реал Мадрид”га имкониятни бой берган, Англия Кубоги финалида эса “Кристал Пэлас”га мағлуб бўлди.
Эслатиб ўтамиз, 54 ёшли испаниялик мутахассис бунгача “Барселона” клубини бошқарган. У каталонияликлар билан бир неча йирик совринларни, жумладан УЕФА Чемпионлар Лигасини қўлга киритган. Кейинчалик Германиянинг “Бавария” жамоасида ҳам фаолият олиб борган бўлса, 2016 йилдан бери “Манчестер Сити” жамоасини бошқариб келмоқда.
Изоҳ (0)