Telegram мессенжери блогида ишлаб чиқувчилар ўртасида Павел Дуровдан 1 миллион доллар ютуқ ўйналиши ҳақидаги эълон пайдо бўлди, деб ёзади «Газета.ru».
Сайтга жойланган шартларга кўра, Telegram учун энг ноодатий ва функционал ботларни тақдим этган танлов иштирокчиларини 25 минг доллардан бошланадиган грантлар кутади. Шу билан бирга, грантга эга бўлгач, ғолибнинг компания олдида ҳеч қандай мажбурияти бўлмайди.
Шунингдек, шартларда қайд этилишича, ботлар Telegram базасида ишлаши керак, аммо улар бошқа платформалардан ўзлаштирилиши ҳам мумкин. Танловда қатнашиш учун ариза бериш керак — унинг тартиби ҳам блогда келтириб ўтилган.
Изоҳ (0)