АҚШда 75 ёшида Билл Кэмпбелл — Кремний водийсининг қатор етакчилари, жумладан, Apple ва Google компаниялари асосчилари Стив Жобс ва Ларри Пейжнинг устози саратондан вафот этди, деб ёзади «РБК».
Кэмпбелл аслида 1970 йилларда Колумбия университети футбол жамоасининг мураббийи бўлган. 1990 йиллар ўрталарида молиявий дастурий таъминот ишлаб чиқарувчи Intuit Inc. компанияси раҳбари, сўнг директорлар кенгашининг раиси бўлган.
У технологик компаниялар етакчиларига консультация бериш орқали энг кўп машҳурликка эришди, шу туфайли уни Мураббий деб аташди.
Кэмпбелл Apple’га ўтган асрнинг 80-йилларида маркетинг бўйича вице-президент сифатида келиб қўшилди, 1997 йилда у ерга Жобс қайтиб боргач, бошқарув таркибига кирди ва 2014 йилгача унинг директори бўлиб ишлади.
Изоҳ (0)