Apple сотув сустлиги сабабли жорий йилнинг иккинчи чорагида iPhone ишлаб чиқаришнинг қисқартирилган ҳажмини сақлаб қолади. Бу ҳақда «Интерфакс» хабар бермоқда.
Nikkei нашри олдинроқ компания биринчи чоракда iPhone 6s ва iPhone 6s Plus моделларини чиқаришни тахминан 30 фоизга пасайтириши, маҳсулот ҳажми апрель—июнь ойларида меъёрга келтирилишини билдирганди. Газета манбаларига кўра, компания талабни қондириш учун янги iPhone SE моделини ҳам етарли даражада ишлаб чиқариш ниятида эмас.
Gartner Inc. экспертларига кўра, 2016 йилда дунё бўйлаб смартфонлар сотувининг кўпайиши кузатувлар тарихида биринчи бор 10 фоиздан кам бўлади: сотув 7 фоизга ошиб, 1,5 миллиард смартфонни ташкил этади.
Изоҳ (0)