Россиянинг «Комсомолская Правда» газетаси бош муҳаррири Владимир Сунгоркин «КП» радиоси бош муҳаррири Евгений Арсюхиннинг мақоласи учун узр сўрашдан бош тортди, деб ёзади Meduza. Унда ногиронлар «нуқсонли шахслар» эканлиги ва улар «насл қолдирмасдан, дарҳол ўлиши керак»лиги ҳақидаги сўзлар бор эди.
Мақола қўл ва оёқсиз туғилган австралиялик жамоатчилик арбоби ва ёзувчи Ник Вуйчичнинг Россияга ташрифи муносабати билан ёзилган эди.
Сунгоркин мақолани «ҳақиқатан мураккаб» деб атади, бироқ унинг муаллифини профессионал дея эътироф этди. Бундан ташқари, «КП» бош муҳаррири «сўз эркинлиги»ни рўкач қилди. Сунгоркиннинг сўзларига кўра, Арсюхин муштарийларни гиж-гижламоқчи бўлган.
Муаллиф мақола чоп этилгач, эртаси куни уни изоҳлашга қарор қилди. У муштарийларни фашистик мафкурага эга эмаслигига ишонтирмоқчи бўлди. «Мен имконияти чекланган кишиларни ‘жамиятдан четлашиб қолган’, ‘норасо’ ва ҳоказо деб ҳисобламайман», — деб ёзди Арсюхин. У ҳеч кимни қораламаётганини айтиб, муштарийларни бағрикенгроқ бўлишга чақирди.
Изоҳ (0)