Россиянинг махфий зирҳли машинаси биринчи марта махсус операцияда қатнашди

Махачқалъа яқинидаги махсус операциялар чоғида жанговар муҳитда биринчи марта «Фалькатус» зирҳли машинаси иштирок этди, деб ёзади «Вести.ru». У Федерал хавфсизлик хизмати учун махфий лойиҳа бўлиб, ҳатто унинг аниқ техник хусусиятлари ҳам номаълум.

Таъкидланишича, ушбу зирҳли автомобиль «КамАЗ» «ралли» автомобилининг икки ўқли шассиси асосига қурилган, шунингдек, бир нечта машина бўлиб, уларнинг ҳар бири бир-биридан фарқ қилади.

Россиялик конструкторларнинг мазкур ишланмасини ҳали иш вақтида ҳеч ким кўрмаган эди. Аммо эътиборли блогерлар Доғистондаги махсус операция кадрларида «Фалькатус» зирҳли машинасини пайқаб қолди. Ундан Ленинкент қишлоғида бир йўла иккита муассаса — ИИВ ва ФХХ жангчилари фойдаланди.

«Фалькатус» жамоатчиликка биринчи марта февралда намойиш этилган эди. Ўшанда зирҳли машина конструкциясини Россия президенти, мудофаа вазири ва ФХХ раҳбари баҳолашга муваффақ бўлган эди.