Япония жануби-ғарбидаги Кюсю оролида жойлашган Кумамото префектурасида 14 апрель, пайшанба куни рўй берган 6,5 магнитудали кучли зилзила қурбонлари сони камида уч кишига етди, 400 киши жароҳатланди. Бу ҳақда «ТАСС» хабар бермоқда.
Олдинроқ бир киши ҳалок бўлгани, 50 дан зиёд киши турли жароҳатлар билан касалхонага етказилгани билдирилганди.
Япония метеорология агентлиги зилзиладан сўнг Кумамотода 27 маротаба қайта ер силкиниши кузатилгани, уларнинг магнитудаси 3,3 дан 6,4 гача бўлганини қайд этди. Агентлик икки бор цунами хавфини эълон қилди, бироқ кейинчалик улар бекор этилди.
Изоҳ (0)