Россиянинг FESCO транспорт гуруҳи Владивосток (Россия) — Қоракўл (Ўзбекистон) йўналиши бўйича FESCO Bukhara Shuttle (FEBS) контейнер поездини ишга туширди, деб ёзади «Газета.uz». Биринчи FEBS поезди Қоракўл станциясига 10 апрель куни етиб келди.
Йўналиш узунлиги 9230 километрни, йўлга сарфланадиган вақт 11 суткани ташкил этди. FEBS ойда икки марта жўнаб кетади. Асосий юкни Қандим газни қайта ишлаш мажмуаси қурилиши лойиҳасини амалга ошириш доирасида ташиладиган товарлар ташкил қилади. Ўзбекистонда маҳаллий сервис FESCO агенти — Ardena Transport компанияси томонидан таъминланади.