Антарктикадаги Нансен муз шельфидан иккита катта муз бўлаги синиб тушди. Бир жуфт улкан айсберг айни пайтда Росса денгизида шимоли-шарққа қараб сузмоқда. Бу ҳақда Европа космик агентлиги сайтида айтилади.
Денгизга тушиб кетган ҳудуднинг умумий майдони 25,87 квадрат километрни ташкил этди. Айсберглардан ҳар бирининг кўндаланг ўлчамлари беш километрга, узунлиги эса 10 ва 20 километрга етади. Уларнинг қалинлиги 250—270 метр атрофида.
Айсберглар денгизчилик йўналишлари ҳамда Терра Нова кўрфазида жойлашган Италия ва Жанубий Корея илмий станциялари учун бевосита хавф туғдирмайди. Аммо улар Италия Миллий Антарктика дастури доирасида, шунингдек, янги зеландиялик олимлар томонидан фойдаланиладиган причаллар учун потенциал тарзда хавфли бўлиши мумкин.
Табиий ҳодиса 7 апрель куни космик йўлдошлар томонидан қайд этилган. 6 апрелда муз бўлаклари синиб тушишига олиб келган ёриқ 40 км узунликка етган.
Изоҳ (0)