АҚШ давлат котиби Жон Керри жанговар ҳаракатлар олиб бориш қоидаларига кўра, Болтиқ денгизидаги Америка эсминецида ўз устидан хавфли масофада учиб ўтган Россиянинг Су-24 бомбардимончиларини уриб тушириш ҳуқуқи бўлганини маълум қилди, деб ёзади «Интерфакс».
Унинг айтишича, Россия самолётлари манёврини хавфли, гиж-гижловчи ёки, ҳатто, ҳужумга тақлид қилувчи деб баҳолаш мумкин.
Эслатиб ўтамиз, аввалроқ Россиянинг Су-24 бомбардимончилари ва вертолёти икки марта Американинг Болтиқ денгизидаги бетараф сувлардаги «Дональд Кук» эсминецига жуда яқин масофадан учиб ўтган эди. Хавфли яқинлашувлардан бири эсминец палубасидан Польша қуролли кучлари вертолёти учиб кетмоқчи бўлганида содир бўлган. Парвозни бекор қилишга тўғри келган.
Америка томонидан ҳодиса юзасидан хавотир билдирди ва Россия авиацияси хатти-ҳаракатини «профессионал ва хавфсиз бўлмаган» деб атади.
Россия мудофаа вазирлиги расмий вакили эса Россия ҳарбий-космик кучлари учувчилари барча хавфсизлик чораларига риоя қилган ҳолда, АҚШ кемасигача бориб, сўнг ортга қайрилганини маълум қилди.
Изоҳ (0)