Польша ва АҚШ Болтиқ денгизида Россия самолёти билан боғлиқ ҳодиса юзасидан умумий жавоб реакциясини ишлаб чиқмоқда, деб ёзади «РИА Новости» Польша ташқи ишлар вазирлигига таяниб.
«Биз америкаликлар билан Болтиқдаги ҳодиса ҳақида гаплашамиз, у асосан уларга қарши амалга оширилди, биз умумий жавобни ўйлаб кўрамиз», — деди Польша ташқи ишлар вазири Витольд Вашчиковский.
У, шунингдек, «бундай гиж-гижловчи хатти-ҳаракат анча вақтдан буён кузатилаётгани» ва «масала ундан кўзланган мақсад ва унинг сабабида» эканлигини айтди.
Эслатиб ўтамиз, аввалроқ Россиянинг Су-24 бомбардимончилари ва вертолёти икки марта Американинг Болтиқ денгизидаги бетараф сувлардаги «Дональд Кук» эсминецига жуда яқин масофадан учиб ўтган эди. Хавфли яқинлашувлардан бири эсминец палубасидан Польша қуролли кучлари вертолёти учиб кетмоқчи бўлганида содир бўлган. Парвозни бекор қилишга тўғри келган.
Америка томонидан ҳодиса юзасидан хавотир билдирди ва Россия авиацияси хатти-ҳаракатини «профессионал ва хавфсиз бўлмаган» деб атади.
Россия мудофаа вазирлиги расмий вакили эса Россия ҳарбий-космик кучлари учувчилари барча хавфсизлик чораларига риоя қилган ҳолда, АҚШ кемасигача бориб, сўнг ортга қайрилганини маълум қилди.
Изоҳ (0)