Polsha va AQSh Boltiq dengizida Rossiya samolyoti bilan bog‘liq hodisa yuzasidan umumiy javob reaksiyasini ishlab chiqmoqda, deb yozadi “RIA Novosti” Polsha tashqi ishlar vazirligiga tayanib.
“Biz amerikaliklar bilan Boltiqdagi hodisa haqida gaplashamiz, u asosan ularga qarshi amalga oshirildi, biz umumiy javobni o‘ylab ko‘ramiz”, — dedi Polsha tashqi ishlar vaziri Vitold Vashchikovskiy.
U, shuningdek, “bunday gij-gijlovchi xatti-harakat ancha vaqtdan buyon kuzatilayotgani” va “masala undan ko‘zlangan maqsad va uning sababida” ekanligini aytdi.
Eslatib o‘tamiz, avvalroq Rossiyaning Su-24 bombardimonchilari va vertolyoti ikki marta Amerikaning Boltiq dengizidagi betaraf suvlardagi “Donald Kuk” esminetsiga juda yaqin masofadan uchib o‘tgan edi. Xavfli yaqinlashuvlardan biri esminets palubasidan Polsha qurolli kuchlari vertolyoti uchib ketmoqchi bo‘lganida sodir bo‘lgan. Parvozni bekor qilishga to‘g‘ri kelgan.
Amerika tomonidan hodisa yuzasidan xavotir bildirdi va Rossiya aviatsiyasi xatti-harakatini “professional va xavfsiz bo‘lmagan” deb atadi.
Rossiya mudofaa vazirligi rasmiy vakili esa Rossiya harbiy-kosmik kuchlari uchuvchilari barcha xavfsizlik choralariga rioya qilgan holda, AQSh kemasigacha borib, so‘ng ortga qayrilganini ma’lum qildi.
Izoh (0)