Эрон президенти Ҳасан Руҳоний озарбайжонлик ҳамкасби Илҳом Алиев билан телефон суҳбати чоғида Қорабоғ можароси ҳудудида ўт очишни тўхтатиш ҳақида келишувга эришилганини маъқуллади, дея хабар бермоқда «ТАСС» Озарбайжон давлат раҳбари матбуот хизматига таяниб.
Суҳбат Эрон президенти ташаббуси билан бўлиб ўтди. У Арманистон ва Озарбайжон қўшинлари туташган чегарада бўлиб ўтган сўнгги ҳодисалар юзасидан хавотир билдирди ва томонлар ўртасида ўт очишни тўхтатиш ҳақида битим имзоланганини маъқуллади.
Алиев «Озарбайжон ҳамиша Тоғли Қорабоғ можаросини тинч йўл билан ҳал этиш тарафдори бўлгани, аммо Арманистон доим конструктив бўлмаган позицияни эгаллаб, ўт очишни тўхтатиш режимига риоя қилмай келгани»ни таъкидлади.
Озарбайжон етакчиси айтишича, 7 апрелда Озарбайжон, Россия ва Эрон ташқи ишлар вазирларининг Бокудаги уч томонлама учрашуви «минтақадаги хавфсизлик ва ҳамкорликка ўз ҳиссасини қўшади».
Изоҳ (0)