Жаҳон бозоридаги нефть нархи АҚШда ёқилғининг тижорат захиралари камаяётгани ҳақидаги маълумотлар фонида ўсиб бормоқда, дея хабар беради «Ведомости».
Brent маркасидаги нефтнинг июнь фьючерслари Лондон биржасидаги савдолар чоғида Тошкент вақти билан 6 апрель 21:02 да 3,57 фоизга қимматлашиб, бир баррель учун 39,74 долларгача етди.
WTI маркасидаги нефтнинг май фьючерслари Нью-Йорк товар биржасидаги электрон савдолар давомида 4,93 фоизга ошди ва баррелига 37,66 долларни ташкил қилди.
АҚШ энергетика вазирлиги маълумотларига кўра, мамлакатда нефтнинг тижорат захиралари 4,937 миллион баррелгача камайган. Шу билан бирга, экспертлар 2,85 миллион баррелга ўсиш бўлишини башорат қилмоқда.
Изоҳ (0)