АҚШ Австралияга 386 миллион долларлик кичик диаметрли авиабомбалар партияси ва у билан боғлиқ ҳарбий ускуналарни етказиб беришни режалаштирмоқда. Бу ҳақда АҚШ мудофаа вазирлиги тузилмасида фаолият юритувчи муассасага таяниб, «ТАСС» хабар берди.
Ушбу шартномани амалга ошириш учун рухсатнома олинган, у миллий қонунчиликка мувофиқ, АҚШ Давлат департаменти томонидан берилади. Америка маъмурияти 4 апрель, душанба куни АҚШ Конгрессини Австралияга ушбу ҳарбий техникани экспорт қилиш ҳақидаги қарори тўғрисида хабардор қилди. Энди АҚШ ҳукуматининг қонун чиқарувчи тармоғида ушбу шартномани ўрганиш ва уни блоклаб қўйиш эҳтимолини кўриб чиқиш учун 30 кун вақт бор.
Пентагон фикрича, Австралияга қурол-яроғ етказиб берилиши «минтақадаги таянч ҳарбий мувозанатни ўзгартирмайди».
Изоҳ (0)