Исландия ҳукумати раҳбари Сигмюндюр Давид Гюннлёйгссон Журналистлик тадқиқотлари халқаро консорциуми (ICIJ) томонидан офшорлар ҳақидаги маъруза эълон қилингач, истеъфога чиқишга қарор қилди. Бу ҳақда сиёсатчининг атрофидаги кишиларга таяниб, «Вести.ru» хабар бермоқда.
Mossack Fonseca компанияси маълумотлар базасидан ахборот чиқиб кетиши натижасида ОАВларда қатор дунё етакчилари ва уларнинг яқинлари пул ювиш ва солиқлардан бош тортиш бўйича схемаларга алоқадорлиги ҳақида маълумот пайдо бўлган эди.
Хусусан, уларда 2007 йилда Сигмюндюр Давид Гюннлёйгссон ўзининг бўлажак рафиқаси билан Виргиния оролларида Wintris Inc. компаниясини ташкил қилганлиги тилга олинган.
Аввалроқ Рейкьявикда парламент биноси яқинида бош вазир истеъфосини талаб қилиб, оммавий намойишлар уюштирилди. Пойтахт кўчаларига Сигмюндюр Давид Гюннлёйгссон офшор компания билан алоқадорлиги фош бўлгач ўз лавозимида қолишга ҳақли эмас деб ҳисобловчи 8 минг киши чиқди.
Изоҳ (0)