Сурияда россиялик ҳарбий хизматчи, махсус топшириқли бўлинма офицери Вадим Тумаков ҳалок бўлди. «РБК» ёзишича, бу ҳақда Оренбургнинг «Orenday.ru» портали Тумаковнинг қариндошларига таяниб хабар берган.
Портал қайд этишича, Тумаковнинг жасади ўз ватани — Оренбург вилояти Соль-Илецкий тумани Покровка қишлоғига етказилган.
Ҳарбий хизматчининг ўлими тафсилотлари ва аниқ санасини нашр келтирмади. Қариндошлари унинг шартнома асосида хизмат қилганини айтган.
«Хизмат сафарлари узоқ давом этарди. Бироқ Вадим доим саволларимиздан қочишга ҳаракат қиларди. Ҳеч қачон қаерда бўлгани ва нималарни кўрганини айтмасди… Ўлимининг тафсилотлари бизга қоронғи», — деди Тумаковнинг қариндошлари.
Аввалроқ Сурия операциялари чоғида олти нафар россиялик ҳарбий хизматчи ҳалок бўлгани ҳақида расман хабар берилган эди.
Изоҳ (0)