Америкалик эркак 1978 йилги телевизорни шундай модернизация қилдики, энди унинг экранида интернетдаги видеоларни кўриш мумкин. Ушбу жараённи у YouTube’га жойланган видеода батафсил тушунтириб берди.
Телевизорга уланган Chromecast приставкаси YouTube, Netflix ва бошқа сервислардаги роликларни қўйиш имконини беради. Бошқарув пульти сифатида смартфондан фойдаланилади, унинг ёрдамида роликларни қўйиш ва тўхтатиш, шунингдек, овозни баланд ёки паст қилиш мумкин.
Америкалик эътироф этишича, у эски телевизорни чиқиндилар орасидан тасодифан топиб олган. Эркак телевизорни уйига олиб кетиб, модернизация қилишга қарор қилди, чунки у болалигида уйида бўлган телевизорни эслатган.
Изоҳ (0)