Чеченистон раҳбари Рамзан Қодировга мэрлардан бирининг лавозими учун бир жомадон доллар кўринишидаги порани таклиф қилишган. Бу ҳақда унинг ўзи «РИА Новости»га берган интервьюсида айтиб ўтди, деб ёзади «РБК».
Унинг айтишича, ҳодиса республикани ҳали унинг отаси Аҳмад Қодиров бошқараётган пайтларда содир бўлган. «Аввалроқ, Аҳмад Ҳожи раҳбар бўлган вақтларда, одамлар келиб, бир киши шаҳар мэри бўлишни истаётганини айтганди. Сўнг у машина юкхонасини очиб, менга у ердаги жомадонни кўрсатди. Мен умримда биринчи марта шунча долларни кўришим эди. Мен унга инсонларга хос тарзда, бизда ҳеч нарса сотилмаслиги ва сотиб олинмаслигини, бу ерга адашиб келганини тушунтирдим», — дея гапириб берди Қодиров.
Ҳозир Чеченистонда кимлардир пора таклиф қилиши-қилмаслиги ҳақидаги саволга республика раҳбари салбий жавоб берди.
Изоҳ (0)