Amazon асосчиси Жефф Безоснинг Blue Origin компанияси New Shepard суборбитал космик кемасини яна муваффақиятли тарзда қўндирди, дея хабар бермоқда Meduza. Ушбу парвоз шуниси билан эътиборга моликки, битта тезлик оширадиган модулнинг ўзи учинчи марта қўлланилди.
New Shepard’ни учинчи марта 2 апрелда учиришди. Кема ер сатҳидан 103 километр баландликкача кўтарилди, сўнгра чўлга енгилгина қўнди.
Blue Origin таъкидлашича, бу сафар, қўнишни енгиллаштирган двигатель ердан 1,1 км масофадагина ишга тушган.
Эслатиб ўтамиз New Shepard 2015 йилнинг 23 ноябрида илк бор парвоз қилиб, Ер устидан 100,5 км баландликка кўтарилган ва вертикал қўнишни амалга оширган тарихдаги биринчи ракета бўлганди.
Иккинчи марта эса синов Техасдаги полигонда 2016 йил 22 январда амалга оширилган. Ўшанда New Shepard ракетаси ва космик кема 101,7 км юқорига учганди.
Изоҳ (0)