КХДР ўзининг Йонбендаги асосий ядро мажмуасида плутоний реактори бўлган объектни фаол ҳаракатга келтирди. Бу ҳақда Вашингтоннинг Жон Гопкинс университети қошидаги Америка-Корея истиқболли халқаро тадқиқотлар мактабига таяниб, «ТАСС» хабар бермоқда.
Муассаса экспертлари Шимолий Корея объектининг тижорат сунъий йўлдошлари орқали олинган фотосуратларини ўрганиб чиқди. Уларнинг фикрича, сўнгги бир ярим ой ичида олинган тасвирларда Йонбендаги реактор жойлашган Радиокимёвий лабораторияни иссиқлик билан таъминловчи иссиқлик электр станциясидан чиқаётган буғ ажралмалари аниқ-равшан кўриниб турибди.
Америка-Корея институти маърузасида айтилишича, бу ядро материалларига ишлов бериладиган бино иситилаётганини билдиради. «Бу у ерда қандайдир муҳим фаолият амалга ошаётгани ёки тез орада амалга оширилишидан дарак бериши мумкин», — дейилади ҳужжатда.
Изоҳ (0)