B-52 стратегик бомбардимончиси 1—2 апрель кунлари АҚШдан Жанубий Америкага қўнишсиз 27 соатли парвозни амалга оширди. Бу ҳақда АҚШ қуролли кучлари стратегик қўмондонлиги матбуот хизмати маълум қилди, дея хабар беради «ТАСС».
Матбуот хизматининг аниқлик киритишича, самолёт АҚШ ҳарбий-ҳаво кучларининг Шимолий Дакота штатидаги Майнот базасидан кўкка кўтарилган. Узоқ давом этган парвоздан сўнг Колумбия осмонида мазкур мамлакат ҳарбий-ҳаво кучлари билан ҳамкорликдаги машғулотларни ўтказган. Сўнг Чили пойтахти Сантьягода бўлиб ўтаётган Лотин Америкасининг FIDAE 2016 халқаро аэрокоинот салонида намойиш парвозини амалга оширган.
Стратегик қўмондонлик раҳбари адмирал Сесил Хейнининг билдиришича, мазкур ўқув операцияси «АҚШ мудофаа стратегик кучлари имкониятини кўрсатувчи намойишлардан бири» бўлган.
Изоҳ (0)