Malaysia Airlines авиакомпаниясининг 2014 йилда йўқолиб қолган лайнерига тегишли деб тахмин қилинаётган бўлаклар Ҳинд океанидаги оролдан топилди, деб ёзади «РБК». Ушбу маълумотни Малайзия фуқаролик авиацияси департаменти раҳбари Ажаруддин Абдул Раҳмон тасдиқлади.
Детални Маврикий Республикасига тегишли оролдан топишди. «Биз бу нималигини ҳозирча билмаймиз. Маврикий авиация ҳукумати бўлакларни ўз муҳофазаси остига олишини кутишимиз керак», — деди Раҳмон.
Малайзия қўлига бўлакларнинг сифатли суратлари келиб тушгач, ҳукумат кейинги ҳаракат режасини тузади.
Эслатиб ўтамиз, Куала-Лумпурдан Пекинга йўл олган ва бортида 227 нафар йўловчи, 12 нафар экипаж аъзоси бўлган лайнер 2014 йил 8 мартга ўтар кечаси ғойиб бўлган. Ҳаво кемаси Ҳинд океанининг жанубий қисмига қулагани тахмин қилинади, бироқ ҳозиргача бунинг далиллари топилмаган.
Изоҳ (0)