АҚШ 2017 йилда Европага юборишни мўлжаллаётган қўшимча қўшинларни Латвия, Литва ва Польшада жойлаштириш мақсадга мувофиқ бўларди. Бу ҳақда Эстония мудофаа вазири Ханнес Хансо маълум қилди, дея хабар беради «Интерфакс».
Америкаликлар ҳозирда Европада жойлаштириб бўлинган икки бригадага қўшимча зирҳли танк бригадаси, шунингдек, яна бир бригада учун жанговар техника ва анжом-аслаҳалар жўнатишни ваъда қилган. Эстонияга қанча қуролли кучлар юборилиши бўйича ҳали келишувга эришилмаган.
«Эстонияда қанча техника ёки шахсий таркиб жойлаштирилиши асосий масала эмас. Муҳими, Эстония яхшироқ ҳимояланган бўладими ёки йўқми, ана шунда. Логистика жиҳатидан олиб қараганда қўшинлар Латвияда жойлаштирилгани маъқул, зарурат туғилганда яқин бўлгани учун мурожаат этиш мумкин. Қўшимча кучларнинг айнан Эстонияда бўлиши шарт эмас, бизда жойлаштириш учун батальон ёки 400—500 нафар аскар етарли», — дея таъкидлаган вазир.
Изоҳ (0)