АҚШ президенти Барак Обама Вашингтон ядро қуролсизланиши жараёнини давом эттиришни истаётганлиги, бироқ ҳозирча Россия томонидан бу борада ўзгаришлар сезилмаётганлигини билдирди. Бу ҳақда «Интерфакс» хабар бермоқда.
«Мен президент сифатида ядро аслаҳаларимиз келгусида қисқаришини афзал кўрган бўлардим», — дея таъкидлаган Обама Вашингтонда бўлиб ўтган ядро хавфсизлиги саммити якунларига бағишланган матбуот анжуманида.
Олдинги уч саммитда иштирок этган Россия бу гал анжуманда қатнашмасликни маъқул кўрди. Гаагада бундан икки йил аввал бўлиб ўтган саммитда Москва ўзига ядро материаллари захираларини қисқартириш бўйича мажбуриятларни олишдан бош тортганди.
Изоҳ (0)