Лондоннинг “Челси” клуби “Барселона”га ярим ҳимоячи Фермин Лопесни Кристофер Нкунку билан алмашишни таклиф қилди. Бироқ Каталония клуби бу таклифни рад эртган. Бу ҳақда Mundo Deportivo нашри хабар бермоқда.
Манбага кўра, “Барселона” устози Ҳанси Флик 22 ёшли футболчининг жамоани тарк этишига қатъий қарши чиққан. Германиялик мутахассиснинг фикрича, Лопес “кўк-анорранглилар”нинг муҳим футболчиси ҳисобланади. Айниқса, ўтган мавсумда Ламин Ямал жароҳат олганида, Лопес чап қанотда ажойиб ўйин намойиш этиб, бир қанча муҳим голлар муаллифига айланган.
Аввалроқ ОАВда “Барселона” Ферминни трансферга қўйгани ҳақида миш-мишлар тарқалган эди. Бундан хабар топган Ҳанси Флик футболчининг ўзи билан боғланиб, вазиятга аниқлик киритган. Фермин эса мураббийга клубда қолишни истаётганини билдирган.
Маълумот учун, Фермин Лопес ўтган мавсумда “Барселона” сафида 46 та ўйинда майдонга тушиб, ўз ҳисобига 8 та гол ва 10 та голли узатма ёздириб қўйган. Унинг клуб билан шартномаси 2029 йил ёзигача амал қилади. Transfermarkt портали футболчининг қийматини 50 миллион еврога баҳолаган.
Изоҳ (0)