Март охирида Японияда Кью-Сиратаки темир йўл бекати тантанали тарзда ёпилди, дея хабар бермоқда TJournal. У ушбу бекатдан ҳар куни мактабга қатнаган ягона йўловчи қиз ҳақидаги ҳикоя туфайли машҳур бўлиб кетган эди.
Жадвал бўйича, поезд ушбу бекатда кунига тўрт марта тўхтаган. Бекат 69 йил давомида фаолият кўрсатган.
Кью-Сиратаки билан бирга, ушбу линиядаги яна иккита темир йўл бекати ҳам ёпилди. Улардан бири 84 йил, иккинчиси 87 йил ишлаган.
Эслатиб ўтамиз, Япония темир йўллари раҳбарияти уч йил аввал узоқ ва оммалашмаган йўналиш бўйлаб ҳаракатни тўхтатиш ҳақида қарор қабул қилганди. Бироқ Кью-Сиратаки станциясида ўқувчи қиз истиқомат қилиши маълум бўлганидан сўнг, темирйўлчилар поездлар ҳаракатини қисман тиклашга қарор қилган.
Аввалроқ 2016 йил мартида қиз мактабни битириши, шундан сўнг мазкур йўналиш бўйлаб поездлар ҳаракати буткул тўхтатилиши айтилган эди.
Изоҳ (0)