29 март куни кечқурун Доғистонда Ички ишлар вазирлиги муваққат тезкор гуруҳининг икки автомобили портлатиб юборилди, дея хабар бермоқда Meduza минтақавий ИИВга таяниб.
Жабрланганлар ҳақида расмий маълумот ҳозирча йўқ. Ҳодисадан кўп ўтмай, бир полициячи ҳалок бўлгани, яна икки нафари яралангани хабар берилган эди. Кейинроқ маҳаллий ИИВ матбуот хизмати ушбу маълумотни тасдиқлади.
«Интерфакс»нинг куч тузилмаларидаги манбаси айтишича, машиналарда Красноярскдан хизмат сафари билан келган полиция ходимлари бўлган. Карвон Махачқалъадан Каспийскка қараб кетаётган бўлган.
Изоҳ (0)