Шимолий Корея ҳукумати фуқароларни мамлакат иқтисодиётидаги бўлажак мураккаб даврлар ҳақида огоҳлантирди ва очарчиликка тайёрланишга чақирди, дея хабар бермоқда The Telegraph КХДРнинг «Нодон Синмун» партия газетасига таяниб.
«Инқилобгача бўлган йўл узоқ ва қийин. Эҳтимол, биз яна ўсимликлар илдизлари билан озиқланишимизга тўғри келар», — дейилади нашрда. Таъкидланишича, мамлакат 1994 йилда бошланган тўрт йиллик очарчилик пайтидагидек мураккаб вазият билан тўқнаш келиши мумкин. Ўшанда озиқ-овқат етишмовчилигидан 22 миллион аҳолининг 3,5 миллиони нобуд бўлган эди.
Британия газетаси қайд этишича, оғир иқтисодий вазият БМТ Хавфсизлик Кенгаши томонидан Пхеньяннинг водород бомбаси синови ва узоқ масофага парвоз қилувчи ракета учиришига жавобан қабул қилинган шафқатсиз санкциялари оқибатига айланади. Шунингдек, нашр маълумотларига кўра, жорий йилда КХДР бошқа мамлакатлардан 440 минг тонна озиқ-овқат кўмагини сўраган, бироқ февраль ҳолатига кўра, унинг 17,6 минг тоннаси етказилган.
Изоҳ (0)