Россия қурол-яроғи учун чет эл буюртмалари портфели 50 миллиард доллардан ошади. Бу ҳақда Ҳарбий-техник ҳамкорлик бўйича федерал хизмат директори ўринбосари Анатолий Пунчукка таяниб, «Интерфакс» хабар берди.
Унинг айтишича, «Лотин Америкасининг улуши ушбу сумманинг тахминан икки фоизи», яъни 1 миллиард долларни ташкил этади. Ушбу минтақада вертолёт техникаси энг оммабопдир. Айни пайтда Россиянинг энг муҳим шериги Венесуэла ҳисобланади, у ерга Россия қурол-яроғлари ва турли ҳарбий техникаси анча катта ҳажмда етказилган. Шунингдек, Россия техникаси, хусусан, вертолёт техникаси сўнгги йилларда Бразилия ва Перуга ҳам етказиб берилган бўлиб, у ерда муваффақиятли тарзда фойдаланилмоқда.
«Россия Лотин Америкасини ҳарбий мақсаддаги маҳаллий маҳсулотларни илгари суриш учун энг истиқболли бозорлардан бири сифатида қабул қилмоқда», — деди Пунчук.
Изоҳ (0)