Мозамбик қирғоғидан топилган икки детални ўрганиб чиққан мутахассислар уларнинг катта эҳтимол билан Malaysia Airlines авиакомпаниясининг Boeing 777 самолётига тегишли бўлиши мумкинлигини айтмоқда. Бу ҳақда Австралия транспорт вазири Даррен Честернинг баёнотига асосланиб, Meduza хабар берди.
«Таҳлил бўлаклар деярли аниқ MH370 га алоқадорлигини тасдиқлади», — деди Честер.
Айтилишича, бўлакларнинг ўлчамлари, шакли ва ранги Boeing 777 га мос келмоқда.
Мозамбик қирғоғида Malaysia Airlines компаниясининг 2014 йил мартида сирли равишда ғойиб бўлган самолёти қолдиғи бўлиши мумкинлиги тахмин қилинган бўлаклар март ойининг бошида топилган эди, аммо ўтказилган текширувларнинг натижалари энди эълон қилинди.
Изоҳ (0)