Таиланд ҳайвонот боғида филлар пандага хос рангга бўялди (фото)

Таиланд ҳайвонот боғининг уч фили француз мусаввири Пауло Гранжоннинг мамлакатда ўтказилаётган «1600 панда» кўргазмаси муносабати билан ушбу жониворларга хос оқ-қора рангга бўялди. Бу ҳақда TJournal хабар бермоқда.

Филларга қўл кучи билан акрил бўёқлари ёрдамида ранг берилган. Ҳайвонот боғи ходимлари жониворларга ҳеч қандай зиён етмаганини билдирмоқда.

Ҳайвонларнинг ғаройиб кўриниши тармоқда баҳсларга сабаб бўлди. Кўплаб фойдаланувчилар мазкур ғояни танқид қилган ва у филларни ўзига хосликдан маҳрум этганини таъкидлаган. Бошқалар филлар ҳам сони камайиб бораётган жониворлар қаторига кириши ва жамоатчилик бу ҳақда билиши зарурлигини уқтирган.