Ростов вилояти арбитраж суди Керч бўғозида қурилаётган кўприк таянчига келиб урилган Туркиянинг «Лира» кемасини хатлади ва Таганрог порти раҳбариятига уни қўйиб юборишни тақиқлади. Бу ҳақда Meduza хабар бермоқда.
Кема унинг эгасидан авария натижасида етказилган зарар миқдорини ундириб олиш мақсадида хатланди.
Эслатиб ўтамиз, кема Тузла ороли ва кемалар йўли ўртасидаги 2-ишчи кўприк устунига урилган. Бунинг оқибатида 80-устун яроқсиз ҳолга келган, 79-устунда шикастланишлар бўлиши мумкин. Шунингдек, иккита маёқ қозиқоёғи ишдан чиққан, 79 ва 81-устунлар эса қийшайган. Кема шикастлаган кўприк асосий иншоот — Керч бўғозини кесиб ўтадиган кўприк қурилишига юкларни етказиш учун ёрдамчи иншоот саналади.
«Лира» Turkuaz Shipping Corp компаниясига тегишли бўлиб, кемани Туркия фуқароси бошқарган. Тўқнашув оқибатида экипажнинг тўққиз нафар аъзоси орасида жабрланганлар бўлмагани билдирилмоқда.
Изоҳ (0)