Футбол бўйича Германия Бундеслигасида 18 март, жума куни 27-тур беллашувлари старт олди. Дастлабки кунга фақатгина битта ўйин тайин қилинган бўлиб, унда Чемпионлар Лигаси учун кураш олиб бораётган икки жамоа — «Шалке» ва «Боруссия Мюнхенгладбах» ўзаро тўқнаш келди.
Биринчи бўлимида ҳисоб очилмаган ўйиннинг 59-дақиқасига келиб меҳмонлар ҳимоячиси Мартин Хинтереггер ўз дарвозасини ишғол этиб, мезбонлар ишини енгиллаштирди. 79-дақиқада «Боруссия»нинг бошқа бир ҳимоячиси Андреас Кристенсен мавсумдаги иккинчи голини уриб, ҳисобни тенглаштирди.
Аммо Мюнхенгладбах клуби дуранг натижани ушлаб қола олмади. Тўрт дақиқадан кейин Леон Горецка «Шалке» учун иккинчи голни уриб, жамоасининг ғалабасини таъминлади — 2:1.
Мазкур жамоаларнинг Мюнхенгладбахда кечган ўйинида «Боруссия» 3:1 ҳисобида ғалаба қозонганди. 27 та ўйинда 44 очко тўплаган «Шалке» 4-ўринга кўтарилган бўлса, шунча беллашувда 42 очкога эга чиққан «Боруссия» 5-ўринни эгаллаб турибди.
Германия Бундеслигаси 27-тур учрашуви 18 март, жума «Шалке» — «Боруссия Мюнхенгладбах» 2:1 Голлар: Хинтереггер, 59, автогол (1:0). Кристенсен, 79 (1:1). Горецка, 83 (2:1).
Турнинг қолган ўйинлари 19—20 март кунлари бўлиб ўтади:
19 март, шанба«Вердер» — «Майнц»«Вольфсбург» — «Дармштадт»«Гамбург» — «Хоффенхайм»«Герта» — «Инголштадт»«Кёлн» — «Бавария»«Айнтрахт» — «Ганновер»
20 март, якшанба«Штутгарт» — «Bayer»«Аугсбург» — «Боруссия Дортмунд»
Изоҳ (0)