Футбол бўйича Ўзбекистон U-17 терма жамоаси Япониядаги халқаро турнирни мезбонларга қарши ўйин билан бошлаб, пенальтилар сериясида имкониятни бой берганди. ЎФФ расмий сайти маълумотига кўра, Аҳмаджон Мусаев шогирдлари 17 март куни куннинг иккинчи ярмида гуруҳдаги иккинчи учрашувни ўтказди.
Пекин U-17 жамоасига қарши кечган ўйинда Жаҳонгир Аҳмедовнинг ягона голи ўзбекистонлик футболчиларнинг ғалабасини таъминлади.
Турнир регламентига кўра, Японияга қарши ўйинда пенальтилар сериясига етиб бориб, мағлубиятга учрагани учун Ўзбекистон U-17 1,5 очко ишлаб олганди. Хитойлик футболчилар устидан қозонилган асосий вақтдаги ғалабадан кейин эса очколар сони 5,5 тага етди.
Бугун, 18 март куни бўлиб ўтган гуруҳнинг учинчи ўйинида Аҳмаджон Мусаев жамоаси Жанубий Корея U-17 билан тўқнаш келди. Беллашув 0:0 ҳисобида якунига етди. Пенальтилар сериясида аниқроқ ҳаракат қилган ўзбекистонлик футболчилар 6:5 ҳисобида зафар қучиб, 2,5 очкога эга чиқди.
Гуруҳ якунига кўра Япония 10,5, Ўзбекистон 8 очко билан навбатдаги босқичга йўлланма олди. 16 та жамоа иштирок этаётган турнирнинг қолган гуруҳларида Япониянинг 17 ёшгача бўлган футболчилардан ташкил топган жамоалари иштирок этмоқда.
Турнирнинг навбатдаги ўйинлари эртага, 19 март куни бўлиб ўтади. Унда Ўзбекистон U-17 қайси жамоага қарши тўп суриши ҳақида ЎФФ матбуот хизмати маълум қилмаган.
SANIX халқаро кубоги
1-турЯпония U-17 — Ўзбекистон U-17 0:0 (пенальтилар серияси — 5:3)Жанубий Корея U-17 — Пекин U-17 1:02-турЎзбекистон U-17 — Пекин U-17 1:0Жанубий Корея U-17 — Япония U-17 0:3
3-турЎзбекистон U-17 — Жанубий Корея U-17 0:0 (пенальтилар серияси — 6:5)Япония U-17 — Пекин U-17 8:1
Изоҳ (0)