Futbol bo‘yicha O‘zbekiston U-17 terma jamoasi Yaponiyadagi xalqaro turnirni mezbonlarga qarshi o‘yin bilan boshlab, penaltilar seriyasida imkoniyatni boy bergandi. O‘FF rasmiy sayti ma’lumotiga ko‘ra, Ahmadjon Musayev shogirdlari 17-mart kuni kunning ikkinchi yarmida guruhdagi ikkinchi uchrashuvni o‘tkazdi.
Pekin U-17 jamoasiga qarshi kechgan o‘yinda Jahongir Ahmedovning yagona goli o‘zbekistonlik futbolchilarning g‘alabasini ta’minladi.
Turnir reglamentiga ko‘ra, Yaponiyaga qarshi o‘yinda penaltilar seriyasiga yetib borib, mag‘lubiyatga uchragani uchun O‘zbekiston U-17 1,5 ochko ishlab olgandi. Xitoylik futbolchilar ustidan qozonilgan asosiy vaqtdagi g‘alabadan keyin esa ochkolar soni 5,5 taga yetdi.
Bugun, 18-mart kuni bo‘lib o‘tgan guruhning uchinchi o‘yinida Ahmadjon Musayev jamoasi Janubiy Koreya U-17 bilan to‘qnash keldi. Bellashuv 0:0 hisobida yakuniga yetdi. Penaltilar seriyasida aniqroq harakat qilgan o‘zbekistonlik futbolchilar 6:5 hisobida zafar quchib, 2,5 ochkoga ega chiqdi.
Guruh yakuniga ko‘ra Yaponiya 10,5, O‘zbekiston 8 ochko bilan navbatdagi bosqichga yo‘llanma oldi. 16 ta jamoa ishtirok etayotgan turnirning qolgan guruhlarida Yaponiyaning 17 yoshgacha bo‘lgan futbolchilardan tashkil topgan jamoalari ishtirok etmoqda.
Turnirning navbatdagi o‘yinlari ertaga, 19-mart kuni bo‘lib o‘tadi. Unda O‘zbekiston U-17 qaysi jamoaga qarshi to‘p surishi haqida O‘FF matbuot xizmati ma’lum qilmagan.
SANIX xalqaro kubogi
1-turYaponiya U-17 — O‘zbekiston U-17 0:0 (penaltilar seriyasi — 5:3)Janubiy Koreya U-17 — Pekin U-17 1:02-turO‘zbekiston U-17 — Pekin U-17 1:0Janubiy Koreya U-17 — Yaponiya U-17 0:3
3-turO‘zbekiston U-17 — Janubiy Koreya U-17 0:0 (penaltilar seriyasi — 6:5)Yaponiya U-17 — Pekin U-17 8:1
Izoh (0)