БААнинг Дубай шаҳри енгил атлетика бўйича жисмоний имконияти чекланган спортчилар ўртасидаги Гран-при турнирига мезбонлик қилмоқда. «Газета.uz» хабарига кўра, унда иштирок этаётган ўзбекистонлик спортчилар 3 та олтин медални қўлга киритди.
Ўзбекистон миллий паралимпия қўмитаси матбуот хизмати хабарига кўра, Маъруфжон Муродуллаев 1,5 минг метр масофага югуриш бўйича 4 дақиқа 3 сониялик натижа кўрсатиб, Осиё рекордини янгилади ва Гран-при олтин медалига сазовор бўлди.
100 метрга югуриш баҳсларида эса 11,30 сония натижа кўрсатган Мансур Абдурашидовга тенг келадиган спортчи топилмади.
Ўзбекистон делегациясига учинчи олтин медални найза улоқтириш бўйича Нозимахон Қаюмова олиб берди. Спортчи найзани 42,79 метрга улоқтириб, рақибларини ортда қолдирди.
Паралимпия ўйинларига лицензия берувчи Гран-при мусобақасида 50 мамлакатдан 600 нафар спортчи иштирок этмоқда. Ўзбекистон делегацияси сафида 10 та енги атлетикачи Дубайда бўлиб турибди.
Изоҳ (0)