Хитойнинг телекоммуникацион асбоб-ускуналар ишлаб чиқарувчи Huawei компанияси президентининг собиқ ўринбосари Ли Иньань инсайдерлик ахбороти (маҳсулотнинг нарх-навосига таъсир кўрсатиши мумкин бўлган, расман ошкор қилинмаган маълумот) билан савдо қилишда гумон қилиниб, ҳибсга олинди. Бу ҳақда, «Жэньминь Жибао» нашрига асосланиб, «ТАСС» хабар бермоқда.
Ли Иньань 2014 йилда ҳуқуқ-тартибот органларининг диққатини тортган эди. Ўшанда унинг қариндошлари Wuhan Huazhong Numerical Control компанияси олди-сотдисидан 7,44 миллион юань (1,14 миллион доллар) ишлаб топган эди. Wuhan Huazhong Numerical Control раҳбари Ли Сяотао Ли Иньань билан талабаликдан буён дўст эканлиги шубҳа-гумонларни келтириб чиқарди.
Тергов ҳаракатлари давом этмоқда.
Изоҳ (0)