Американинг Огайо штати ҳукумати судланган қотилга нисбатан ўлим жазосини қайтадан ижро этишга ҳақи бор, деб ёзади «ТАСС». Уни қатл этиш жараёни шифокорлар инъекция қила олмагани туфайли амалга ошмай қолган эди.
Бундай қарорни Огайо Олий суди кўпчилик овоз билан қабул қилди. У судланган жиноятчи Ромелл Брумнинг адвокатлари олий жазони бир умрлик қамоққа ўзгартириш ҳақида берган аризани рад этди. Ҳимоя томони ўлим жазосининг такроран ижро этилиши «шафқатсиз ва асоссиз жазо билан тенг» эканлигини таъкидлади. Бироқ штат Олий суди 2009 йилда инъекция қотилнинг қон айланиш тизимига тушмаганини, демак, ҳукм қонуний ҳуқуққа эга ҳисобланиши ва кучда қолишини қайд этди.
Брум 1984 йилда Кливлендда 14 ёшли қизни ўғирлаб кетиш, зўрлаш ва ўлдиришда айбланиб суд қилинган эди.
Изоҳ (0)