Швецияда қочоқлар жойлаштирилиши режалаштирилган бир неча бино ёниб кетди. Бу ҳақда «РБК» хабар бермоқда.
Ёнғин 12 март, шанба куни эрталаб Бурос шаҳри яқинидаги собиқ ахлоқ тузатиш колонияси ҳудудида жойлашган 3 та бўш бинода рўй берган. Уларга 100—150 нафар муҳожирни жойлаштириш мўлжалланганди. Алангаланиш манбаси бинолардан ташқарида бўлгани учун ёнғинга ўт қўйиш сабаб бўлгани гумон қилинмоқда. Полиция маълумотларига кўра, 2015 йилнинг охирги чораги мобайнида мамлакатда қочоқлар марказларига ўт қўйилиши билан боғлиқ 58 ҳолат қайд этилган.
Ўтган йили Швецияга 163 минг нафар муҳожир келган. Мамлакат муҳожирлик бошқармаси маълумотларига кўра, бу йил уларнинг сони 140 минг киши атрофида бўлиши кутилмоқда.
Изоҳ (0)