Россия енгил атлетикачилари томонидан Рио-де-Жанейродаги Олимпиаданинг ўтказиб юборилишини фожиа ҳисобламаслик керак. Бу ҳақда Россия спорт вазири Виталий Мутко маълум қилди, дея хабар беради «РБК».
«Самолётдаги теракт, унда одамларимизнинг ҳалок бўлиши — фожиа. Бизни ўйинларга қўймасликлари мумкинлиги фожиа эмас», — дея таъкидлаган Мутко.
Вазирнинг айтишича, Россияда ҳеч қачон допинг билан боғлиқ муаммолар инкор этилмаган. «Биз енгил атлетикада муаммолар йўқлиги ҳақида гапирмаганмиз, улар мавжуд. Биз бу нарса фақат Россиянинг муаммоси эмаслиги, допинг бутун дунё спортига дахлдор муаммо эканлигини билдирганмиз», — дея изоҳ берган Мутко.
Изоҳ (0)