Швейцариянинг соат ишлаб чиқарувчи TAG Heuer компанияси допинг можароси туфайли россиялик теннисчи Мария Шарапова билан реклама шартномасини узайтирмасликка қарор қилди. Бу ҳақда «РБК» хабар бермоқда.
Маълум бўлишича, компаниянинг Шарапова билан олдинги шартномаси муддати 2015 йил 31 декабрда якунланган ва уни узайтириш бўйича музокаралар олиб борилаётганди. «Юзага келган вазиятни инобатга олиб, музокараларни тўхтатдик ва шартномани узайтирмасликка қарор қилдик», — дея маълум қилган TAG Heuer вакиллари.
Эслатиб ўтамиз, олдинроқ Nike Мария Шарапова билан ҳамкорликни тўхтатгани ҳақида хабар берилганди.
Изоҳ (0)