Бутундунё аксилдопинг агентлиги (WADA) ўзининг расмий сайтида Халқаро теннис федерацияси (ITF) мельдонийни ман этилган дорилар рўйхатига олдиндан киритмаганини маълум қилди. Бу ҳақда «Газета.ru» хабар бермоқда.
«WADA ҳар йили Бутундунё аксилдопинг кодекси қатнашчилари билан кенг кўламдаги маслаҳатлашувларни ўтказади. Биз Халқаро теннис федерацияси мельдоний 2016 йили WADA рўйхатига киритилгунича ўзининг тақиқланган дорилар рўйхатига қўшмаганини тасдиқлаймиз», — дейилади агентлик хабарида.
Эслатиб ўтамиз, олдинроқ дунёнинг энг бой спортчи аёли, россиялик теннисчи Мария Шарапова мельдоний қабул қилгани туфайли барча мусобақалардан четлатилгани ҳақида хабар берилганди.
Изоҳ (0)