Афсонавий бразилиялик футболчи Пеле икки мингга яқин шахсий буюмлари, шу жумладан, жаҳон биринчилигининг учта олтин медалини кимошди савдосига қўйди, дея хабар бермоқда «ТАСС».
Пеле, шунингдек, аукционга Жюль Риме мукофотини ҳам қўяди, у авваллари жаҳон биринчиликларида ғолиб бўлганларга топширилган. Ушбу лотнинг тахминий қиймати 400 доллардан 600 минг долларгача баҳоланмоқда.
«Мен мухлислар ва коллекционерларга ўз ўтмишимнинг бир қисмига эга бўлиш имкониятини бермоқчиман. Умид қиламанки, улар ушбу тарихий буюмларни қадрлайди ҳамда ўтмишимни ўз фарзандлари ва келажак авлод билан бўлишади», — деди Пеле.
75 ёшли Пеле сўзларига кўра, тушган маблағнинг бир қисми Бразилиянинг Куритиба шаҳридаги болалар касалхонасига топширилади. Уч кунлик аукцион Лондонда 7—9 июнь кунлари бўлиб ўтади.
Пеле ўйинчи сифатида жаҳон чемпионатларида ғолиб бўлиш бўйича рекордчи ҳисобланади — учта унвонни у 1958, 1962 ва 1970 йилларда қўлга киритган. Бразилия термаси таркибида Пеле жами 92 та ўйинда иштирок этган ва 77 та гол урган.
Изоҳ (0)