Ўзбекистон президенти Ислом Каримов 4 мартдаги фармони билан Азиз Абдуҳакимовни Меҳнат вазири лавозимига тайинлади, дея хабар бермоқда «Газета.uz».
Абдуҳакимов Меҳнат ва аҳолини ижтимоий муҳофаза қилиш вазирлигини 2014 йил ёзидан буён бошқариб келган, бунгача — 2012 йил ноябридан Хусусийлаштириш, монополиядан чиқариш ва рақобатни ривожлантириш давлат қўмитаси раиси бўлиб ишлаган.
Президентнинг бошқа фармони билан Меҳнат ва аҳолини ижтимоий муҳофаза қилиш вазирининг биринчи ўринбосари лавозимини эгаллаб келган Баҳодир Низомов Меҳнат вазири ўринбосари этиб тайинланди.
Эслатиб ўтамиз, Президент Ислом Каримовнинг 22 февралдаги «Аҳолининг заиф қатламларини ижтимоий ҳимоя ва тиббий-ижтимоий ёрдам билан таъминлаш тизимини янада такомиллаштириш чора-тадбирлари тўғрисида»ги фармонига мувофиқ, Ўзбекистон Меҳнат ва аҳолини ижтимоий муҳофаза қилиш вазирлиги Меҳнат вазирлигига айлантирилди.
Изоҳ (0)