1 март, сешанба куни Осиё Чемпионлар Лигаси 2-туридан ўрин олган Саудия Арабистонининг «Ал Иттиҳод» ва Тошкентнинг «Локомотив» клублари ўртасида учрашув бўлиб ўтди, деб хабар қилади «Championat.asia».
Учрашувнинг 14-дақиқасида Салли Мунтаи жарима майдони чизиғи устидан кучли зарба бериб гол урди — 1:0. 80-дақиқада Олег Зотеев пенальти ишлади. 11 метрли жарима тўпини Темурхўжа Абдухолиқов аниқ амалга ошириб ҳисобни тенглаштирди — 1:1. Шу ҳисоб ўйинда охиригача ўзгармади. Ушбу жамоалар бир ҳафта олдин Тошкентда ҳам 1:1 натижасини қайд қилганди.
Гуруҳдаги иккинчи ўйинда БААнинг «Ал-Наср» клуби ўз уйида Эроннинг «Сепахон» жамоасини 2:0 ҳисобида таслим қилди.
Айни вақтга келиб «А» гуруҳида қизиқарли ҳолат вужудга келди. Гуруҳдаги тўртала жамоа ҳам иккитадан гол уриб, иккитадан гол ўтказиб юборган. «Сепахон» ва «Ал-Наср» ҳисобидаги очколар 3 тани, «Ал-Иттиҳод» ва «Локомотив»да эса 2 тани ташкил қилмоқда.
ОЧЛ, «А» гуруҳи 2-тур
1 март, сешанба
«Ал-Иттиҳод» (Саудия Арабистони) — «Локомотив» (Ўзбекистон) — 1:1 (1:0)
Гол: Салли Мунтари (14) — Темурхўжа Абдухолиқов (80-пенальти).«Ал-Иттиҳод»: 12.Ассаф Ал Қарни, 4.Салли Мунтари, 9.Гелмин Ривас, 10.Абдулфаттоҳ Асири (44.Мухтор Фаллатаҳ, 82), 13.Аҳмад Асири , 15.Жамол Бажандух, 27.Авад Ал Ями (33.Ёсир Ал Накхли, 46), 29.Лусиан Санмартин, 30.Зиёд Абдулвоҳид, 49.Абдулраҳмон Ал Гамди (7.Аҳмад Ал Натхири, 70), 51.Мажид Ал Ҳайбари.
«Локомотив»: 1.Игнатий Нестеров, 5.Кахи Махарадзе, 10.Марат Бикмаев (29.Қувондиқ Рўзиев, 66), 13.Неманья Яничич, 15.Сардор Мирзаев, 18.Темур Кападзе (7.Садриддин Абдуллаев, 90+1), 20.Ислом Тўхтахўжаев, 22.Санжар Шоаҳмедов, 28.Икром Алибоев (11.Темурхўжа Абдухолиқов, 46), 33.Олег Зотеев, 37.Шерзод Файзиев.
Огоҳлантиришлар: Авад Ал Ями (40) — Неманья Яничич (48), Кахи Махарадзе (90+2).
Изоҳ (0)