Аргентина ҳукумати реструктуризациядан бош тортган кредиторлардан яна бир гуруҳи билан 250 миллион доллар ва 185 миллион евро (200 миллион доллар) қарзини узиш ҳақида келишувга эришди, дея хабар бермоқда «ТАСС» Буэнос-Айрес ва кредиторлар ўртасидаги музокараларда воситачилик қилган Даниэль Поллакка таяниб.
Clarin газетаси ёзишича, бунда гап Lightwater Corp, Old Castle Holdings, VR Capital, Procella Holdings ва Capital Ventures International фондлари ҳақида бормоқда. Битим шартлари ошкор этилмаяпти.
Аргентина иқтисодиёт ва молия вазири сўзларига кўра, Буэнос-Айрес айни пайтгача АҚШ судларида Аргентина қарзларига эътироз билдираётган кредиторларнинг учдан бир қисми билан келишишга эришган. Унинг айтишича, республиканинг умумий қарздорлиги тахминан 20 миллиард долларни ташкил этади. Қарзини тўлаш учун Буэнос-Айрес 15 миллиард долларлик облигацияларни чиқармоқчи.
Изоҳ (0)