Айни пайтда Сурия ҳудудида Туркия ва араб мамлакатлари қўшинлари йўқ. Бу ҳақда Москвага ташрифи арафасида Араб давлатлари лигаси бош котиби Набил ал-Арабий маълум қилди, дея хабар беради «ТАСС».
«Ҳозирги кунда Сурия ҳудудида турк ёки араб қўшинларини кўраётганимиз йўқ. Фарқ шундаки, давлат даражасида Сурияда араб кучлари мавжуд эмас. Фақат амалдаги тузумга қарши чиққанларни четдан қўллаб-қувватлаганлар бўлиши мумкин», — дея таъкидлаган Арабий.
Бош котиб бирон бир томоннинг Сурияга қуруқликдан бостириб кириш режалари тўғрисида билмаслигини маълум қилди. «Қандай ҳарбий босқин? Ҳеч қанақа ҳужум бўлаётгани йўқ. Лигада ҳеч ким, жумладан, мен ҳам бу ҳақда билмайман. Шуниси ҳам борки, қуруқликдаги операцияни бошлаш тўғрисида кимдир режа тузатаётган бўлса, бу ҳақда лигани огоҳлантирмайди», дея маълум қилган у.
Изоҳ (0)