Саудия Арабистонининг фавқулодда жиноий ишлар бўйича суди 32 кишини Эрон фойдасига айғоқчилик қилишда айбдор деб топди. Бу ҳақда Al-Arabiya телеканалига таяниб «Интерфакс» агентлиги хабар бермоқда.
Суд ҳукмига кўра, кўрсатилган гуруҳ Эрон махфий хизматлари кўмагида айғоқчилик тармоғини яратиб, диний низолар келтириб чиқариш ҳамда бошқа давлат фойдасига маълумот тўплаш билан шуғулланиб келган.
Ал-Қатиф шаҳри аҳолисининг асосий қисми шиа эътиқодидадир. Саудия Арабистонининг машҳур шиа илоҳиётчиси Нимр ан-Нимр қатл қилинганидан сўнг у ерда оммавий норозилик намойишлари уюштирилган эди. Ўз навбатида, бу воқеалар Саудия Арабистони ва Эрон ўртасидаги муносабатларга совуқлик тушишида бирламчи омил бўлган эди.
Изоҳ (0)