Хараре аэропортида Жанубий Африка Республикаси учун мўлжалланган янги банкноталар ортилган юк самолётидан мурда топилгач, у Зимбабве ҳукумати томонидан тўхтатиб қолинган эди. Энди эса унга мамлакатни тарк этиш ва Преторияга учиб кетиш учун рухсат берилди. Бу ҳақда «Корреспондент.net» хабар бермоқда.
Аэропорт хизматчи ходимлари самолёт фюзеляж (корпус)ида қон изларини кўриб қолган, шундан сўнг ҳавони кондициялаш блокидан мурда топилган эди.
Марҳум ноқонуний муҳожир бўлгани тахмин этилмоқда. Мурда ёриб кўрилгач, у нафаси қайтиб ўлгани маълум бўлди. Марҳумнинг чўнтагидан Индонезиядан келтирилган гугурт қутиси топилди.
Германиядан амалга оширилган рейс бортида ЖАР марказий банки учун мўлжалланган бир неча миллион долларлик янги Жанубий Африка купюралари бўлган.
Изоҳ (0)